Ընտրեք Առաքման Կենտրոն
010,011,055,099
32 55 55

Կարաս ազգային սննդի ցանցն արժանացել է միջազգային որակի նշանի/մրցանակի:

2017-11-29

<p><strong>Նոյեմբերի 18-ին Կարաս ազգային սննդի ցանցին շնորհվեց միջազգային որակի մրցանակ՝ Եվրոպական որակի կազմակերպության (European Organization for Quality, EOQ) եւ Միավորված ազգերի Կազմակերպության (ՄԱԿ) կողմից նախաձեռնած «Որակի համաշխարհային օր» խորագիրը կրող միջոցառուման շրջանակներում։</strong></p><p>Նշենք, որ միջոցառումը Հայաստանում անցկացվում էր առաջին անգամ և կազմակերպվել էր «Համազգային վստահություն» խորհրդի և Ստանդարտների ազգային ինստիտուտի հետ համատեղ։</p><p>Մրցանակաբաշխությանը մասնակցում էին հանրապետության նշանավոր, առավել որակյալ արտադրանքով աչքի ընկնող և սպառողների վստահությունը վայելող կազմակերպություններ։ Առաջատարները որոշվել էին սոցիոլոգիական հարցումների եւ Փորձագիտական ուսումնասիրությունների արդյունքների հիման վրա, ինչպես նաեւ հաշվի էին առնվել կազմակերպությունների տարբեր միջազգային սերտիֆիկատների Ձեռքբերումը։</p><p>Միջոցառմանը հրավիրված էին նաև արտասահմանյան հյուրեր՝ մասնավորապես Ռուսաստանի արտադրողների և արդյունաբերողների միության, Ռուսաստանի որակի կազմակերպության, Եվրոպական որակի կազմակերպության ներկայացուցիչները։</p><p>«Վերջին տարիների ընթացքում Հայաստանը ակնառու առաջխաղացում ցուցաբերեց՝ իր ներքին և արտաքին շուկաներում որակյալ արտադրանք ներկայացնելով», - նշեց Որակի Եվրոպական կազմակերպության պատվավոր նախագահ Յուրի Գուսակովը: «Մենք ձգտում ենք աջակցել հայ արտադրողներին իրենց որակյալ արտադրանքի և ծառայությունների համար ստանալ հատուկ նախատեսված եվրոպական և ասիական մրցանակներ, ինչպես նաև կիսվել տասնամյակների ընթացքում ձեռք բերած փորձով Ստանդարտների ազգային ինստիտուտի մեր հայ գործընկերների հետ», - հավելեց նա:</p><p>Նշենք, որ Կարաս ազգային սննդի ցանցին միջազգային որակի մրցանակը շնորհեց հենց Յուրի Գուսակովը։</p><p>«Մեր ողջ թիմի համար մեծ պատիվ է մեր ծառայությունների որակի կատարելագործման գծով ջանքերի դիմաց միջազգային որակի մրցանակի արժանանալը։ Նշեմ, որ Կարասը միշտ կարևորել է որակի բարձր չափանիշներով աշխատելու սկզբունքը և 2016թ. հաջողությամբ ներդրել է HACCP (Hazard Analysis and Critical Control Point) որակի չափանիշները՝ կիրառվելով դրանք արդեն 2-րդ տարին և վերահսկելով սննդամթերքի արտադրության և պահպանման անվտանգությունը»,-նշեց Կարաս ազգային սննդի ցանցի հիմնադիր Տիգրան Յուզբաշյանը։</p>